ڤیدیۆ کلیپی (شاژنی خەیاڵ) بڵاودەکرێتەوە
ڤیدیۆ کلیپی (شاژنی خەیاڵ) بڵاودەکرێتەوە ‌ 18/5/2017
وا بڕیارە لە ئایندەیەکەی نزیکدا ڤیدیۆ کلیپی (شاژنی خەیاڵ)ی هونەرمەند محەمەد ڕەئوف کەرکوکی، بڵاوبکرێتەوە کە بەرهەمی کەناڵی خاك تڤی-یەو لەلایەن شادمان محەمەد کاری دەرهێنانی بۆ کراوە.
لەمبارەیەوە دەرهێنەر شادمان محەمەد، رایگەیاند: ماوەی زیاتر لە ساڵێکە ئارەزووی ئەوەم هەبووە ئەم گۆرانیە بکەم بە ڤیدیۆ کلیپ، پاشان بە هۆکاری جوانی تێکستەکە کە لەلایەن شاعیر ساڵح بێچارەوە نووسراوەو دواتریش ئاوازەکەی لەلایەن ئاوازدانەری بەئەزموون مامۆستا بورهانی موفتی زادەوە بۆ دانراوە کاریگەری هەبوو کە من ئەو بەرهەمە بەئەنجام بگەیەنم، ئەمە جگەلەوەی گۆرانییەکەش لەلایەن هونەرمەندی ناسراو محەمەد ڕەئوف کەرکوکییەوە بە هەستێکی جوانەوە پێشکەشی گوێگرانی کردووە، هەموو ئەمانە هۆکاری سەرەکی بوون کە بەهاوکاری هاوڕێیانم ستافی کارەکە بەرهەمەکەمان بە ئەنجام گەیاند.
وتیشی: کلیپەکە لەناو شاری سلێمانی وێنەی گیراوەو باس لە چیرۆکی کەسێک دەکات کە بەهۆکارێك لە خۆشەویستەکەی دابڕاوەو پاشان کەسەکە وەک بیرەوەریی لە زەهنیدا ماوەتەوە و دەگەڕێتەوە بۆ یادگارییە جوانەکانی ڕابردوی».
ئاماژەی بەوەکرد « بەسوپاسەوە کەناڵی خاك لەم بارودۆخە ئاڵۆزو پڕ قەیرانەدا هونەرمەندان فەرامۆش ناکات و دەستی هاوکاریان بەپێی پێویست بۆ درێژ دەکات». 
ڤیدیۆ کلیپی شاژنی خەیاڵ لەلایەن ئۆرڤان ئاراس و شێنی عەلی کاری نواندن، سیروان کەریم کاری وێنەگرتن و هەرێم نوری کاری مۆنتاژی بۆ کراوە.
لەسایتی خاک-ەوە


ناو:  
ئیمه‌یل:    
سه‌رنج:  

#7395
20/10/2017
ئه‌رشیف
وه‌رزش
‌ ئیتالیا مه‌ترسی گه‌وره‌ی سه‌رنه‌كه‌وتنی بۆ مۆندیال له‌سه‌ره‌ 19/10/2017
‌ رۆناڵدۆ زیندانی دەکرێت؟ 19/10/2017
زانست
‌ هه‌سارۆكه‌یه‌ك سڵاوی له‌ زه‌وی كرد و رۆیشت 19/10/2017
‌ چه‌ند خۆراكێكی گرنگ بۆ وه‌رزی پایز 19/10/2017
‌ كاریگه‌ری‌ ته‌له‌فزیۆن له‌ دروستكردنی‌ ترس لای‌ بینه‌ر 19/10/2017

© 2009 KURDISTANY NWE, All RIGHTS RESERVED. | CREATED BY AVESTA GROUP