چاكی مەكە با خراپ نەبێ‌؟
سوژن* چاكی مەكە با خراپ نەبێ‌؟ ‌ ته‌ها سلێمان‌ 16/7/2017
20
ئەم ناونیشانەی سەرەوە لە هەرێمی كوردستان لەسەر زاری گەورەو بچوك بووە بە «باو»، كە ئەگەر دەست بۆ چاككردنی شتێك ببرێت، ئەڵێن «چاكی مەكە با خراپ نەبێت»، ئێستا لەهەموو كاتێك زیاتر ئەم قسەیە بۆ حكومەتی هەرێمی كوردستان راستترە، چونكە بەناوی چاككردن دەستی برد بۆ چاككردنی مووچە، كەچی لە كۆتاییدا وای لێهاتوە خۆیشیان سەرلەبەری دەرناكەن‌و نازانن چ هەنجەتێك بۆ خراپبوونی بدۆزنەوە، دەستی برد بۆ فرۆشتنی نەوت‌و خۆژیاندن‌و دەستبەرداربوون لە بەغدا، كەچی كەوتە نێو تونێلە پێچاوپێچەكانی بازرگانی نەوت‌و بەهیچ شێوەیەك بۆیان پینە ناكرێ‌، هانای برد بۆ قەرزكردن كەس متمانەی پێنەكردو بە هەناسە ساردی لەوسەرەوە هاتەوە، كۆمەڵێك گرێبەستی لەگەڵ هەندێ‌ كۆمپانیا كردو كەچی بە ملیارەها دۆلاری دۆڕان.
رەنگە پێتان سەیربێ‌‌و باوەڕ نەكەن، كاتێك ئەو ناونیشانەی سەرەوە بوە كاكڵی نووسینی گۆشەی ئەم جارەی «سوژن»و ئەو چەند دێڕەی سەرەوەم نووسی‌و لە بیری ئەوەدابووم سەرەتاو ناوەڕاست‌و كۆتایی چۆن پێكەوە گرێ‌ بدەم، زەنگی تەلەفۆنەكەم هات‌و دەستم لەسەر كیبۆردەكە هەڵگرت، كە ئەلووم كرد، هاوڕێیەكی خۆشەویستی خوێندكاری دكتۆرا بوو، حاڵ‌و ئەحواڵ‌و چی خەبەرو باسە؟.
دەمەوێ‌ واز لەخوێندنی دكتۆراكەم بێنم‌و بچمەوە بۆ ئاوایی، ئێ‌ هەنجەت‌و پاساوەكەشی راست بوو، چونكە ئەو بابای خوێندكاری دكتۆرایە، شەش سەدو بیست‌و دوو دینار مووچەكەیەتی، چەند دانێ‌ بۆ خەرجی خوێندن‌و هات‌وچۆو قرتاسیەو پێداویستییەكانی خوێندن، چی دانێ‌ بۆ خەرجی ماڵ و مناڵ، چی دانێ‌ بۆ ئەوەی لەماوەی خوێندنەكەیدا سەردانی ناڵێم وڵاتانی دەرەوە، بەڵكو دهۆك‌و هەولێرو هەڵەبجەو سلێمانی‌و كەركوك‌و چەمچەماڵ‌و بەلایەنی كەم بەغدا بكات، بۆ ئەوەی زانیاری‌و سەرچاوەی پێویست كۆبكاتەوە.
بۆیە هەرچیم كردو كۆشام لەمە زیاترم بۆ نەنوسرا، كە رووبكەمە حكومەت‌و بێژم: مووچە چاك مەكە با خراپ نەبێت، گرێبەستی نوێ‌‌و شتی وامەكە با ماڵمان لەوە زیاتر خراو نەوێت، كارەبا چاك مەكە با زیاتر بێ كارەبا نەبین، مەڕۆ ناو زانكۆكان‌و داوای سیڤی‌و شتی وامەكە بۆ دانانی سەرۆك‌و راگری كۆلێژەكان، چونكە تا واسیتە حەیاتەكە مابێ‌ سیڤی ........
تۆش برادەری ئازیزی خوێندكاری دكتۆرا، چیت داوە لەم سەرئێشەیە، یەك جار سەردانێكی سودان بكەو دوای ئەوە دووساڵ گوێی خۆتی لێكەڕبكەو ساڵی سێیەم هەر بۆ شۆخی بچۆرۆ بۆ سودان‌و بە یەك شەهادەی دكتۆرای موحتەرەمەوە خۆت بكە بە نیشتماناو واسیتەیەكیش بدۆزەو ببە بە.........


ناو:  
ئیمه‌یل:    
سه‌رنج:  

#7322
24/7/2017
ئه‌رشیف
وه‌رزش
‌ دیمه‌نه‌كانی پشت سه‌ركه‌وتنی تیپه‌كان له‌ پێشبڕكێكاندا 24/7/2017
‌ بۆڵت له‌ له‌نده‌ن به‌شداری 200 مه‌تر ناكات 23/7/2017
زانست
‌ بۆچی میوە بە مۆم ڕووپۆش دەكرێت؟ 24/7/2017
‌ مایكڵ دێڵ 24/7/2017
‌ كاریگەریی تۆڕە كۆمەڵایەتییەكان لە هـەرێمی كوردستاندا 24/7/2017

© 2009 KURDISTANY NWE, All RIGHTS RESERVED. | CREATED BY AVESTA GROUP