پیشانگەی گروپی هونەریی دڵخواز لە سلێمانی کرایەوە
پیشانگەی گروپی هونەریی دڵخواز لە سلێمانی کرایەوە ‌ 16/7/2017
مەلا بەختیار، سەرۆكی فەخری گروپی هونەریی دڵخواز، یەكەمین پیشانگەی هاوبەشی هونەرمەندانی باشور كوردستان دەكاتەوەو رایدەگەیەنێت «گروپی هونەریی دڵخواز رەوتێكی هونەریی نوێیە.. كەوتۆتە بزاوت، ئەم بزاوتە هونەرییە، زادەی سەردەمی تانوپۆچنینی مەدەنییەت‌و دەوڵەتی هاووڵاتی‌و پەلۆپۆهاویشتنی ئازادییەكانە».
ئێوارەی رۆژی (12/7/2017)و لەیادی مامۆستا ئەمین باڵدار-دا، مەلا بەختیار، لەموزەخانەی نیشتمانیی (ئەمنە سورەكە) وەكو سەرۆكی فەخری گروپەكە، یەكەمین پیشانگەی هونەرمەندانی باشوری كوردستانی كردەوە، كە (174) هونەرمەندی سەرانسەری باشوری كوردستان، بەشدارییان تێدا كردبوو لەلایەن گروپی هونەری دڵخواز رێكخرابوو.
مەلا بەختیار، پیشانگەكەی بەگرنگ ناوبردو ئاماژەی بۆ ئەوە كرد: پیشانگەیەكی گرنگ و رێكخراوبوو، بەتایبەت كە ئەو ژمارە بەرچاوەی هونەرمەندان لەزاخۆوە هەتا خانەقین بەشدارییان تێدا كردووە، ئەمەش گرنگی خۆی هەیەو بەشبەحاڵی خۆشم، شانازیی بەكۆبوونەوەی ئەو ژمارە زۆرەی هونەرمەندانەوە دەكەم لەم پیشانگەیەدا.
لەتابلۆنمای پیشانگەكەشدا، مەلا بەختیار، بەناونیشانی «گروپی هونەریی دڵخواز بەرەو ئەودیوو چیا»، رایدەگەیەنێت: گروپی هونەریی دڵخواز رەوتێكی هونەریی نوێیە.. كەوتۆتە بزاوت، ئەم بزاوتە هونەرییە، زادەی سەردەمی تانوپۆچنینی مەدەنییەت‌و دەوڵەتی هاووڵاتی‌و پەلۆپۆهاویشتنی ئازادییەكانە.


ناو:  
ئیمه‌یل:    
سه‌رنج:  

#7370
22/9/2017
ئه‌رشیف
وه‌رزش
‌ پاسكیلسوارێكی به‌ریتانی به‌ 80 رۆژ به‌ده‌وری زه‌ویدا ده‌سوڕێته‌وه‌ 21/9/2017
‌ لیستی پاڵێوراوانی خه‌ڵاتی گۆڵدن بۆی بڵاوكرایه‌وه‌ 21/9/2017
زانست
‌ 12 ساڵ دوای‌ هاوسه‌رگیری چی‌ ڕوو ده‌دا؟ 22/9/2017
‌ باوه‌ڕت به‌ خه‌ونه‌كه‌ت هه‌بێت، وه‌ك ئه‌وه‌ی‌ به‌كرده‌وه‌ به‌ده‌ستت هێنابێ 22/9/2017
‌ كێش كاریگه‌ری‌ له‌سه‌ر ناكۆكی‌ خێزان هه‌یه‌ 22/9/2017

© 2009 KURDISTANY NWE, All RIGHTS RESERVED. | CREATED BY AVESTA GROUP