بە ئامادەبوونی قوباد تاڵەبانی جێگری سەرۆک وەزیرانی ھەرێم، ساڵیادی راپەڕینەکەی ساڵی 1987ی خەڵکی ھەڵەبجە و ھەورامان و شارەزوور کرایەوە.
لەو رێوڕەسمەدا، قوباد تاڵەبانی تاجە گوڵینەی لەسەر مۆنۆمێنتی شەھیدان دانا و ئازاد تۆفیق پارێزگاری ھەڵەبجە رایگەیاند، ھەڵەبجە و ھەورامان و شارەزوور مێژوویەکی جوانیان ھەیە لە خەباتدا.
ئەمڕۆ 37 ساڵ بەسەر راپەڕینی ساڵی 1987 ی خەڵکی ھەڵەبجە و ھەورامان و سەیدسادق تێپەڕدەبێت، کە لە 13ی ئایاری ئەو ساڵەدا دژ بە راگواستنی گوندەکان خۆپیشاندانیان ئەنجامدا و بەھۆی تەقەکردن لە خەڵکی راپەڕیوی ناوچەکە زیاتر لە 79 کەس شەھیدکران و زیاتر لە 200 کەسی دیکەش برینداربوون و ژمارەیەکی زۆریش لە ھاووڵاتیانی ئەو ناوچەیە ئاوارەبوون.
