كوردستانی نوێ
له‌كۆی 12 هه‌زار خیَزانی ئاواره‌ی هه‌ولیَر، ته‌نیا 1650 خیَزان ناویان تۆماركراوه‌و كارتی خۆراكیان بۆ كراوه‌.
هۆگر چه‌تۆ به‌رِیَوه‌به‌ری گشتیی ریَكخراوی فریاكه‌وتنی میللی، رایگه‌یاند: پرۆژه‌یه‌كی هاوبه‌شه‌ له‌نیَوان چه‌ند ریَكخراویَك، كه‌به‌شیَكه‌ له‌پرۆژه‌ی كاری تۆماری ده‌نگده‌ر له‌هه‌ریَمی كوردستان، وتیشی: له‌هه‌ریَمی كوردستان هه‌ڵبژاردنی پاریَزگاكان ناكریَت و ئاواره‌كانی پاریَزگاكانی ده‌ره‌وه‌ی هه‌ریَمی كوردستان پرۆژه‌كه‌ ده‌یانگریَته‌وه‌و بۆیان هه‌یه‌ ده‌نگبده‌ن.
روونیكرده‌وه‌، هه‌وڵده‌ده‌ن ئاواره‌كان بچن ناویان تۆماربكه‌ن و ده‌نگبده‌ن، به‌چه‌ند چالاكییه‌ك ده‌ستیان به‌پرۆژه‌كه‌ كردووه‌و لایه‌نه‌ په‌یوه‌ندیداره‌كانیش ئاماده‌ی دارِشتنی ئه‌و نامیلكه‌یه‌ ده‌بن، كه‌بۆ هۆشیاری ئاواره‌كان و هاندانی ئاواره‌ ناوخۆییه‌كان و به‌شدارییان له‌پرسی سیاسیی وڵات بۆ هه‌ڵبژاردنی ئاینده‌ی عیراق، وتیشی: ژماره‌ی خیَزانه‌ ئاواره‌كانی شاری هه‌ولیَر، 12 هه‌زار خیَزانن و ته‌نیا 1650 خیَزان ناوی خۆیان له‌كۆمپانیای گشتیی خۆراك له‌پاریَزگای هه‌ولیَر تۆماركردووه‌و كارتی خۆراكیان بۆدروستكراوه‌و به‌شه‌خۆراكی مانگانه‌ وه‌رده‌گرن.
به‌رِیَوه‌به‌ری گشتیی ریَكخراوی فریاكه‌وتنی میللی، رایگه‌یاند: تارِۆژی21/7، هیچ خیَزانیَك له‌سنووری پاریَزگای سلیَمانی و دهۆك ناویان تۆمارنه‌كراوه‌و كارتی خۆراكی وه‌رنه‌گرتووه‌.

خاوه‌نى ئیمتیاز : د. فوئاد مه‌عسـوم      سه‌رنووسه‌ر : كاوه‌ محه‌مه‌د     جێگرى سه‌رنووسه‌ر : شێركـۆ مه‌نگورِى  سكرتێرى نووسین: عه‌داله‌ت عه‌بدوڵڵا Powered by  IT-PUK 2008 © All rights reserved