غه‌مگین محه‌مه‌دو دونیا كه‌ریم
رۆژانه‌ زیاتر له‌1939 تاكسی له‌قه‌زاو ناحیه‌كانی ده‌ره‌وه‌ی سلیَمانییه‌وه‌ دیَنه‌ ناو شاره‌وه‌ بۆ كاركردن.
لوقمان حه‌سه‌ن سه‌رۆكی سه‌ندیكای گواستنه‌وه‌ی سلیَمانی، به‌كوردستانی نویَ-ی راگه‌یاند: به‌هۆی كاركردنی ژماره‌یه‌كی زۆری تاكسی هیَڵه‌كانی قه‌زاو ناحیه‌كان له‌ناو شاری سلیَمانیدا تا كاتی گواستنه‌وه‌یان دیَت له‌هیَڵه‌كانی خۆیاندا بۆ ده‌ره‌وه‌ی شار، بووه‌ته‌ هۆی بوونی قه‌ره‌باڵغییه‌كی زۆر له‌ناو شاردا، وتیشی: برِیارماندا به‌دروستكردنی ئارِمیَك بۆ جیاكردنه‌وه‌ی تاكسییه‌كانی ناوشار له‌ده‌ره‌وه‌ی شار.
راشیگه‌یاند: رۆژانه‌ زیاتر له‌1939 تاكسی له‌قه‌زاو ناحیه‌كانی ده‌ره‌وه‌ی سلیَمانی دیَنه‌ ناو شاره‌وه‌و 65%ی تاكسییه‌كانی هیَڵه‌كانی ده‌ره‌وه‌ی شار مۆدیَل كۆنن و مۆدیَله‌كانیان پیَش ساڵی 1990نء زۆربه‌شیان له‌جۆری به‌رِازیلیء كرۆنان، وتیشی: دویَنیَ 17/7، له‌گه‌ڵ به‌رِیَوه‌به‌ری هاتوچۆی ناوشاری سلیَمانی و به‌رِیَوه‌به‌ری ئه‌ندازه‌ی هاتوچۆی سلیَمانی كۆبووینه‌وه‌ بۆ برِیاردان له‌سه‌ر دیزاین و قه‌باره‌ی ئارِمه‌كه‌و دانانی له‌لای ده‌رگای چه‌پی تاكسییه‌كه‌.

خاوه‌نى ئیمتیاز : د. فوئاد مه‌عسـوم      سه‌رنووسه‌ر : كاوه‌ محه‌مه‌د     جێگرى سه‌رنووسه‌ر : شێركـۆ مه‌نگورِى  سكرتێرى نووسین: عه‌داله‌ت عه‌بدوڵڵا Powered by  IT-PUK 2008 © All rights reserved