كه‌می ده‌رمان له‌ مه‌ڵبه‌ندی ته‌ندروستی ته‌كیه‌ هاوولاَتیانی شارۆچكه‌كه‌ى نیگه‌رانكردووه‌، له‌مباره‌یه‌وه‌ ژماره‌یه‌كی زۆر له‌و نه‌خۆشانه‌ی سه‌ردانی مه‌ڵبه‌ندی ته‌ندروستی ته‌كیه‌ ده‌كه‌ن نارِازین به‌رامبه‌ر ئه‌و برِه‌ ده‌رمانه‌ی ده‌یاندریَتیَ بۆ چاره‌سه‌رو ده‌ڵیَن: راسته‌وخۆ له‌مه‌ڵبه‌ندی ته‌ندروستی ته‌كیه‌وه‌ پزیشكه‌كان ده‌ماننیَرن بۆ ده‌رمانخانه‌كانی ده‌ره‌وه‌و به‌پاره‌ زۆربه‌ی داوو ده‌رمانه‌كان ده‌كرِین.
بۆ به‌دواداچوونی سكالاَو وه‌ڵامدانه‌وه‌ى هاوولاَتیان دكتۆر ریََبوار عه‌بدولقادر به‌رِیَوه‌به‌ری مه‌ڵبه‌ندی ته‌ندروستی ته‌كیه‌ وتی: ئه‌گه‌رچی ئیَره‌ مه‌ڵبه‌ندیَكی ته‌ندروستیه‌ به‌لاَم 24 سه‌عاتكراوه‌یه‌و ده‌وام ده‌كه‌ین و جگه‌ له‌دانیشتوانی ته‌كیه‌ و 22 گوندی ده‌وروبه‌ری، ناحیه‌ی ئاغجه‌له‌رو بازیان و گونده‌كانیشیان بۆ چاره‌سه‌ر روومان تیَده‌كه‌ن و رۆژانه‌ زیاتر له‌400 نه‌خۆش سه‌ردانمان ده‌كه‌ن، ئه‌م ریَژه‌یه‌ش خه‌یالاَویه‌و ئه‌و ده‌رمانانه‌ی ده‌دریَنه‌ مه‌ڵبه‌نده‌كه‌مان گه‌ر ده‌ستی پیَوه‌ نه‌گرین له‌ماوه‌ی یه‌ك هه‌فته‌دا ته‌واو ده‌بیَت، ناچار به‌پیَی خشته‌یه‌ك ده‌رمانه‌كه‌ به‌سه‌ر مانگه‌كه‌دا دابه‌ش ده‌كه‌ین و هه‌ندیَ جۆری پیَداویستیش هه‌رخۆی زۆر كه‌مه‌و ناچار به‌نه‌خۆشه‌كان ده‌ڵیَین له‌ده‌ره‌وه‌ بیكرِن، ئه‌وه‌شی نه‌شارده‌وه‌ مه‌ڵبه‌نده‌كه‌یان له‌زۆربه‌ی مه‌ڵبه‌نده‌كانی تر زیاتر ده‌رمانی ده‌دریَتىَ به‌لاَم زۆری نه‌خۆشه‌كان وایكردووه‌ ته‌نگژه‌ی كه‌می ده‌رمان دروست ببیَت.
ته‌كیه‌/ دارا مه‌حمود

خاوه‌نى ئیمتیاز : د. فوئاد مه‌عسـوم      سه‌رنووسه‌ر : كاوه‌ محه‌مه‌د     جێگرى سه‌رنووسه‌ر : شێركـۆ مه‌نگورِى  سكرتێرى نووسین: عه‌داله‌ت عه‌بدوڵڵا Powered by  IT-PUK 2008 © All rights reserved