پێشمه‌رگه‌ی سلێمانی گه‌ڕایه‌وه‌ لووتكه‌

ره‌وه‌ز ئیسماعیل

 
یه‌كێتیی ناوه‌ندیی باله‌ی عیراق، گردبوونه‌وه‌ی قۆناغی كۆتایی خولی نایابی باله‌ی یانه‌كانی عیراقی به‌ڕێوه‌برد، له‌م گردبوونه‌وه‌یه‌دا، پێشمه‌رگه‌كانی سلێمانی یه‌كه‌م بوون، یارییه‌كانیش رۆژی چوار شه‌ممه‌ 2024/3/6 ده‌ستیپێكرد و تا رۆژی یه‌كشه‌ممه‌ 2024/3/10 به‌رده‌وام بوون.
له‌م قۆناغه‌ی یارییه‌كانی خوله‌كه‌دا، تیپی پێنج یانه‌ به‌شدارییان كرد، تیایدا دوو یانه‌ی كوردستان (پێشمه‌رگه‌ی سلێمانی و هه‌ولێر) به‌شدار بوون، تیپی پێشمه‌رگه‌ی سلێمانی ئه‌گه‌ر چی یه‌كه‌م یاریی به‌ هه‌ولێر دۆڕاند، به‌ڵام چوار یارییه‌كه‌ی تری برده‌وه‌، به‌تایبه‌تیش بردنه‌وه‌یه‌كیان زۆر گرنگ بوو كاتێك توانی 2-3 له‌ گازی باشوور بباته‌وه‌، دۆڕاندنی هه‌ولێریش 3-0 به‌ مه‌سافی باكوور، وایكرد پێشمه‌رگه‌ بچێته‌ پله‌ی یه‌كەمیی ریزبه‌ندیی و هه‌ولێر بۆ پله‌ی دووه‌م دابه‌زێت و ریزبه‌ندییه‌كه‌ش به‌مشێوه‌یه‌ی لێهات:
-1پێشمه‌رگه‌ی سلێمانی    (9 خاڵ).
-2 هه‌ولێر                (8 خاڵ).
-3 گازی باشوور           (7 خاڵ).
-4 مه‌سافی باكوور        (5 خاڵ).
-5 به‌حری                (0 خاڵ).
ته‌واوی ئه‌نجامی یارییه‌كانی هه‌ردوو یانه‌كه‌ی كوردستان له‌م گردبوونه‌وه‌یه‌دا به‌مشێوه‌یه‌ بوون:
*هه‌ولێر            3×2        پێشمه‌رگه‌ی سلێمانی.
*پ. سلێمانی        3×1        مه‌سافی باكوور.
*به‌حری            0×3        پێشمه‌رگه‌ی سلێمانی.
*گازی باشوور       2×3        پێشمه‌رگه‌ی سلێمانی.
*گازی باشوور       1×3        هه‌ولێر.
*هه‌ولێر            0×3        مه‌سافی باكوور.
*به‌حری            1×3        هه‌ولێر.
ئێستا هه‌ر چوار یانه‌ی یه‌كه‌م تا چواره‌می ریزبه‌ندیی (پێشمه‌رگه‌ی سلێمانی ، هه‌ولێر، گازی باشوور و مه‌سافی باكوور) بۆ قۆناغی چوارگۆشه‌ی زێڕین سه‌ركه‌وتوون و  به‌حری ئاوت بووه‌، بڕیار وایه‌ به‌م نزیكانه‌ گردبوونه‌وه‌ی یه‌كه‌می ئه‌م قۆناغه‌ش له‌ به‌سره‌ ده‌ستپێبكات.