عەبدولئەمیر شەمەرى، وەزیرى ناوخۆى عیراق، سەبارەت بە کارتی نیشتمانیی لە عیراق، رایگەیاند: تاکو ئێستا 36 ملیۆن کەس لە دانیشتوانى عیراق لە سیستمى کارتى نیشتمانى تۆمارکراون.
هەروەها وتیشی لە 1/4/2024 کارکردن بە بەڵگەنامەکانى رەگەزنامە و ناسنامەى بارى شارستانى رادەگیرێت.
هاوکات باسی لەوەشكرد قۆناغى یەکەمى پڕۆژەکە، لە 15/7/2015 دەستیپێکردووە و لە رێگەى 328 فەرمانگەوە لە تەواوى پارێزگاکان بە هەرێمى کوردستانیشەوە، 36 ملیۆن و 751 هەزار و 362 کەس لە سیستمى کارتى نیشتمانى تۆمارکراون.
