باسم عەوادی، وتەبێژی حکومەتی عیراق راگەیاند، دوای ئەوەی حکومەت ژمارەیەک رێکار و بڕیاری دەرکرد بۆ کەمکردنەوەی قەرزە دەرەکییەکان بەڕێژەی ٥٠%، لە دوو ساڵدا قەرزە دەرەکییەکان لە 19 ملیار و 729 ملیۆن دۆلارەوە بۆ 8 ملیار و 900 ملیۆن دۆلار کەمبووەتەوە.
ئەوەشی خستوەتەڕوو، ئەنجومەنی وەزیران لە دوا کۆبوونەوەکانی خۆیدا بڕیاریداوە قەرزی دەرەکی و پەیکەربەندی قەرزە گشتییەکانی عیراق رێکبخاتەوە، بەجۆرێک قەرز تەنھا بۆ پڕۆژە ستراتیژییەکان و پڕۆژەکانی وەبەرھێنان دەکرێت.
