ئەمڕۆ 11/4/2024 لە پارێزگای موسەننا لە باشووری عیراق، دەست بە دروێنە کرا و یەکەم کاروانی گەنم لەلایەن وەزارەتی کشتوکاڵ لە جووتیاران وەرگیرا.
لای خۆشیەوە وەزارەتی کشتوکاڵی حکومەتی عیراق، رایگەیاند: هەوڵ دەدەن ئەمساڵ لە وەرگرتنی گەنمی جووتیاراندا لە هەموو ناوچەکان، کارئاسانی زیاتر بۆ جووتیاران بکەن.
هەروەها وتیشی: لەسەر راسپاردە و بڕیاری ئەنجومەنی وەزیران، ئەمساڵ نرخی یەک تۆن گەنم بە 850 هەزار دینار دیاریکراوە و هەر بەو نرخە لە جووتیاران وەردەگیرێت.
