شه‌هید رێبوار

حه‌یده‌ر مه‌نتك

گه‌نجێك له‌ (دیبه‌گه‌)ی كوردنشینه‌وه‌ رێگه‌ی خه‌باتی گرته‌به‌ر و بووه‌ یه‌كێك له‌ سه‌نگه‌ره‌ سه‌وزه‌كان، كاتێك شه‌ڕی تیرۆریستان یه‌خه‌ی كوردستانی گرت ئه‌و ئازایانه‌ به‌رگری كرد و له‌ نه‌به‌ردییه‌كاندا وتی: كوردستان به‌خوێن ئازادكراوه‌ و هه‌ر به‌خوێنیش پارێزگاریی لێده‌كه‌ین، دواجار قسه‌كه‌ی خۆی برده‌ سه‌رو شه‌هید كرا.

ناوی ته‌واوی رێبوار سه‌عدی عومه‌ركه‌ریم ناسراوه‌ به‌ (رێبواره‌ خڕه‌)، له‌دایكبووی رۆژی 3/2/1984ی ناحیه‌ی دیبه‌گه‌ی قه‌زای مه‌خمور، ده‌رچووی قۆناغی ناوه‌ندییه‌.
ساڵی 2009 بووه‌ به‌ پێشمه‌رگه‌ له‌ فه‌وجی 4ی لیوای 3ی تایبه‌ت
رۆژی 23/11/2014 له‌ شه‌ڕی دژی تیرۆریستانی داعش، له‌ ناحیه‌ی جه‌له‌ولا، شه‌هید كرا.