باران زیانی بە بەرهەمە کشتوکاڵییەکانی سنووری سلێمانی نەگەیاندووە

تاکو ئێستا باران زیانی بە بەرهەمە کشتوکاڵییەکان نەگەیاندووە چونکە بڕی باران بارینەکە کەم بووە.
لەو بارەیەوە كارزان لەتیف لێپرسراوی كەشناسیی كشتوكاڵیی لە بەڕێوەبەرایەتی کشتوکاڵی سلێمانی، رایگەیاند: بارانەکەی چەندی رۆژی رابردوو بڕەکەی کەم بووە و تاکو ئێستا هیچ زیانێکی بە بەرهەمە کشتوکاڵییەکان نەگەیاندووە.
هەروەها وتیشی: پێشبینییەکانی کەشوهەوا ئاماژە بۆ ئەوە دەکەن، رۆژی هەینی بارانێکی بەخووڕ و بۆ ماوەیەکی زۆر لە سنووری سلێمانی دەبارێت. لەو کاتەدا مەترسی بۆ سەر بەرهەمە کشتوکاڵییەکان هەیە.