نێچیرڤان بارزانی سەرۆكی هەرێمی كوردستان، لە تاران بەجیا لەگەڵ ئایەتوڵڵا ئەلعوزما سەید عەلی خامەنەئی رابەری باڵای شۆڕشی ئیسلامیی ئێران، ئیبراهیم رەئیسی سەرۆك كۆماری ئیسلامیی ئێران، حسێن ئەمیر عەبدوڵڵاهیان وەزیری دەرەوە و عەلی ئەكبەر ئەحمەدیان ئەمینداری ئەنجومەنی باڵای ئاسایشی نیشتمانیی ئێران، كۆبووەوە.
لە كۆبوونەوەكاندا، دۆخی ناوچەكە و چەند پرسێكی جێی بایەخی هاوبەش، تاوتوێكران و جەخت لە بەرەوپێشبردنی پەیوەندییەكانی نێوان هەرێمی كوردستان و كۆماری ئیسلامیی ئێران، كرایەوە.
شایانی باسە، جەعفەر شێخ مستەفا و مستەفا سەید قادر جێگرانی سەرۆكی هەرێم و ژمارەیەك لە لێپرسراوانی هەرێمی كوردستان، هاوڕێیەتیی سەرۆكی هەرێم دەكەن لە سەردانەكەیدا بۆ كۆماری ئیسلامیی ئێران.