ئەوەی كوڕان پێیان نەكرا كچان كردیان

كچانی بارسا پاڵەوانی لالیگاو دوو نازناوی تریش بەڕێوەن
تیپی كچانی یانەی بارسیلۆنا ئەمساڵیش وەك ساڵانی رابردوو لە باشترین ئاستی هونەریدان و ئەنجامەكانیان لە سەرجەم ئەو خولانەی بەشداریی تیادا دەكەن دڵخۆشكەرن.
ئەوەتا شەوی شەممەی رابردوو پێش كۆتایی هاتنی لالیگای كچان بە چەند هەفتەیەك ئاهەنگی بوون بەپاڵەوانی خولەكەیان گێڕا و جامی پاڵەوانیان لەلایەن یەكێتیی تۆپی پێی ئیسپانیاوە پێ بەخشرا.
ئێستا ئەم تیپە بۆ یاریی كۆتایی چامپیۆنس لیگ و جامی شای ئیسپانیاش سەركەوتوون، رۆژی 25 ی ئەم مانگە لەگەڵ ئۆڵۆمپیك لیۆن یاریی كۆتایی چامپیۆنس لیگ دەكەن و بەم نزیكانەش لەگەڵ كچانی یانەی ریاڵ سۆسیدادیش یاریی كۆتایی جامی شای ئیسپانیاش دەكەن.