شینوار عەبدوڵڵا
نڤیسەر پرسیارەكێ دكەت و دبێژیت، ئارمانجا مە ژ ژیانێ چ تشتە؟. پاشی دهێت و بەرسڤا ڤێ پرسیارێ ددەت، كو ئارمانج ژ ژیانێ ئەوە، ئەم شوینوارەكێ باش ل پاش خوە بهێلین و ئەم بەشدارێن كارا بین كو جیھانێ بكەینە جھەكێ باشتر. نڤیسەر تەئكیدێ ژی دكەت كو ژیان یا كورتە و ل سەر مە پێدڤییە ئەم ب باشترین شێوە بێخینە د خزمەتدا و مە چ دەم نینە ئەم ب ھەروە ل سەر تشتێن پێدڤی نەكەت، دەرباز بكەین.
ئارمانج ژ ژیانێ چ تشتە؟ مەبەستا من بڤێ پرسیارێ ئەو بابەت نینن یێن دناڤبەرا مرۆڤی و خودێ دا و پشتی مرنێ! زێدەتر یا من مەبەست پێھەیی، ئەو بابەتن یێن ب ھەر ئێك ژمەڤە گرێدایی، چ وەك مرۆڤ و سەرەدەریێن مە یێن رۆژانە و ھەڤكێشەیێن ئالۆزێن ژیانێ، چ د پەیوەندیكرنێن مەدا و چ ژی د رەفتارێن مەدا دگەل دەوروبەرێن مە و چ ژی دگەل مە بخوە، وەك ھزر و بیركرن. نڤیسەر (تود ھنری) و شیرەتكارێ داهێنانێ و بەرھەمئینانێ و دامەزرێنەرێ كومپانیا (Accidental Creative)، كو ئەڤ كومپانیە ھاریكارییا كەسێن بەھرەمەند دكەت و وان تیمێن بڤێن بەرھەمێ وان زێدەتر بیت و د سەركەفتی تر بن، د پەرتووكا خوە یا ب ناڤێ (ڤالا بمرە) كو ئێك ژ پەرتووكێن نڤیسەرییە، گەلە بەرسڤێن ئەو پرسیارێن من ئازراندین تێدا ھەنە. نڤیسەر دڤێ پەرتووكێ دا تێدا رژدییێ ل سەر خالەكێ دكەت، ئەو ژی دەما مرۆڤ بژیت و هێشتا د ژیانێ دا، وێ ژیانێ ئارمانجەك و رامانەك ژبۆ ھەبیت و ئەگەر مرۆڤی ژڤێ جیھانێ باركر ژی، شوین تلێن مرۆڤی لێ بمینن. ئەگەر خوە بەردەینە دناڤ ڤێ پەرتووكێ دا، دێ سەیر كەین كو ل (12) بەشێن ڤێ وێ، نڤیسەری دڤێت بێژیتە مە، كانێ مەبەستا مە و دەستكەفتێن مە د ژیانێ دا چنە و ئەم وان شەر و ھەڤركییان دەستنیشان بكەین، یێن ئەم دچینە دناڤدا و د بەشەكیێ پەرتووكێ دا سەرنجا من چوو سەر خالەكێ ئەو ژی، ژیانا ئاسایی بۆ مێشكێ مە ھەمیان یا خۆشە و دەما ئەم بزاڤێن خوە فێركرنێ نەكەین، وەكی مەندبوونا ناخی یە و ئەم دزانین ھەر تشتێ مەند بیت دبیتە ماكا ئێش و خەمان و چ ڤایرۆسەكێ خرابە تێدا كومڤە دبیت. لڤێرە نڤیسەر چەند پێنگاڤان بەحس دكەت، دێ چاوان تێدا ووزا خوە ڤالا كەینە سەر كەتواری، ئەو ژی ب زانست و زانینێ و دێ چاوان خودیێ خوە ناس كەین و دەستنیشانكرنا ئاستێ شیانێن كەسایەتی و خوە گونجاندن و لێگەریان ل وی دەنگێ دناڤ مرۆڤی دا ھەی، دێ چاوان مرۆڤ دگەل وی دەنگێ دناڤ خوەدا ھەی مینیت!
نڤیسەر پرسیارەكێ دكەت و دبێژیت، ئارمانجا مە ژ ژیانێ چ تشتە؟ پاشی دهێت و بەرسڤا ڤێ پرسیارێ ددەت، كو ئارمانج ژ ژیانێ ئەوە، ئەم شوینوارەكێ باش ل پاش خوە بهێلین و ئەم بەشدارێن كارا بین كو جیھانێ بكەینە جھەكێ باشتر. نڤیسەر تەئكیدێ ژی دكەت كو ژیان یا كورتە و ل سەر مە پێدڤییە ئەم ب باشترین شێوە بێخینە د خزمەتدا و مە چ دەم نینە ئەم ب ھەروە ل سەر تشتێن پێدڤی نەكەت دەرباز بكەین. پەرتووك گەلەك سەرەبابەتان ڤەدكەت و دبێژیت، ببە ئەو سەركردە یێن بەھرەمەندان پێدڤی پێھەیی و ئەو ھزردكەت ھەر كەسەكی شیانێن ھەیین ببیتە داهێنەر و داهێنان بخوە یا گرنگە بۆ ھەر سەركەفتنەكێ. ئەو ھزردكەت بەرھەمئینان گرێدایی كاركرنەكا بێ راوەستان نینە، بەلكو ب كاركرنەكێ ب ژیرانەتر، ھویربینانەتر ل سەر تشتێن دروست و یا مایی بێژیت كو كارێن ھنری داخوازیەكا زێدەر ل سەر ھەیە و ئەڤ داخوازیە ژ گەلەك لایەنان ڤە وەك كەسێن بسپور دداهێنانێ دا یان خودان كار یان سەركێشێن كاری و ئەو دهێتە ناسكرن ب شیرەتنێن خوە یێن زانستی و دیسان زیرەكییا وی دھاندانا خەلكێ دیتردا، كو ببنە كەسێن داهێنەرتر و بەرھەمێھنەرتر.
