شیان مەهدی کانیسارکی
دەمژمێر 1:33ی پشتی نیڤرۆ بوو، دەمێ ب تەمامی من رۆناهیا چاڤێن خوە ژ دەستداین. چاڤێن من خۆلەکا سیهـ و دووێ دیت، لێ یا د دویڤدا نەدیت. بەری هینگێ سیناهیەک ھەبوو، لێ ئەو ژی چوو. نوژدار یێ خێزانێ بێ هیڤیدکەن، کۆ ئێدی ب زڤڕم و جارەکا دی «ڕۆژێ» ببینم. تشتێ ئێکانە هەدارا من پێ دهات، بیرهاتنێن من بوون دەمێ ب تنێ یێ روینشتی ل بن وێ دارا کاکیا ل ناڤ باخچەیێ بەرامبەر مالامە. هەروەسان کەیفخوەش دبووم دەمێ نیڤا شەڤێ نێزیک دبوو، چونکی من دزانی دێ نڤم و بەرەڤ دیتنا «ڕۆژێ» ڤە چم، ئەڤا ئێدی چ جاران ب رۆژێ نەشێم ببینم. لەوڕا هەردەم گازندا مال ژ من دکر و ب ناڤێ «دینۆ» گازی من دکر، دەمێ ددیت ئەز یێ جوانترین جلۆبەرگان ل بەرخوە دکەم و گۆلاڤا تایبەت ل خوە د رەشینم. هەردەم د گۆتنە من «خەلک بۆ سەیران و سەرەدانان کارێ خوە دکەن و گۆلاڤێ بکاردئینن، ڤێ دویماهیا تەمەنی دێ مه ژی وەکی خوە دین کەی!». من ژی ئێکجار بەرسڤا وان نەددا، چونکی ئەزێ پشت راست بووم، بەرسڤا من دا هندەک نازناڤێن دی ئینیتە سەر من. ل بەر من ژی یا بەرزەبوویی و ئەڤ پرسیارە یا د ناڤ ڤی مێشکیدا د زڤڕیت، ئەرێ ژ دل ئەز یێ کورەمە؟ یان ئەو؟.
