ئەمریکا بڕیاریدا چەند مانگێکی تر چاوپۆشی لە حکومەتی عیراق بکات بۆ ئەوەی وزە لە ئێران بکڕێت.
هەر لەو چوارچێوەیەدا ماتیۆ میلەر وتەبێژی وەزارەتی دەرەوەی ئەمریکا سەبارەت بە چاوپۆشییەکانی ئەمریکا لەبارەی بەردەوامبوونی پەیوەندییە ئابوورییەکانی نێوان ئێران و عیراق، رایگەیاند: حکومەتی واشنتۆن بڕیاریداوە بۆ ماوەی چوار مانگی تر، چاوپۆشی لە کڕینی کارەبا لە ئێران بکات لەلایەن حکومەتی عیراقەوە.
ئەوەش لەکاتێکدایە لەبارەی چالاکییە ئەتۆمییەکانەوە، حکومەتی ئەمریکا سزای ئابووری و سیاسی بەسەر ئێراندا سەپاندووە. هەروەها هەر وڵاتێک مامەڵەی بازرگانی لەگەڵ ئێراندا بکات، ئەمریکا سزای دەدات. بەڵام بۆ پڕکردنەوەی پێداویستییە ناوخۆییەکان لە بواری وزە، ئەمریکا چاوپۆشی لە عیراق دەکات.
