بە پارێزگابوونی هەڵەبجە، لە بەرنامەی كاری كۆبوونەوەی سبەینێی نوێنەراندایە

بڕیارە سبەینێ دووشەممە كۆبوونەوەی ئەنجومەنی نوێنەران بەڕێوەبچێت، بڕگەی یەكەمی كۆبوونەوەكە، دەنگدانە لەسەر پرۆژەیاسای بەپارێزگابوونی هەڵەبجە.
سروە محەمەد ئەندامی ئەنجومەنی نوێنەران بە كوردستانی نوێ-ی راگەیاند: دوای ئەوەی فراكسیۆنە كوردستانییەكان ئامادەی  دانیشتنەكانی ئەنجومەنی نوێنەران نەبوون، بڕگەی دەنگدان لەسەر پرۆژەیاسای بەپارێزگابوونی هەڵەبجە لە خاڵی یەكەمی بەرنامەی كاری دانیشتنەكەی رۆژی دووشەممەدا جێگیركراوە، وتیشی: وەك فراكسیۆنە كوردستانییەكان لە هەوڵەكانمان بەردەوام دەبین، بۆ ئەوەی دەنگ لەسەر پرۆژەیاسای بەپارێزگابوونی هەڵەبجە بدرێت.
هەروەها، چرۆ حەمە شەریف ئەندامی ئەنجومەنی نوێنەران، بە كوردستانی نوێ-ی راگەیاند: چاوەڕوان دەكەین لە كۆبوونەوەی دووشەممەدا  دەنگ لەسەر پرۆژەیاسای بەپارێزگابوونی هەڵەبجە بدرێت.

تەها عەبدوڵڵا و محەمەد تۆفیق نەورۆڵی