نووسینگەی رۆژنامەوانیی رێبوار تەها، پارێزگاری کەرکوک بڵاویکردەوە، گەنمی سەرجەم جوتیارانی پارێزگای کەرکوک بە نرخی حکومەت وەردەگیرێت.
لە بڵاوکراوەیەکی پارێزگای کەرکوکدا هاتووە، عەباس جەبر مالیکی، وەزیری کشتوکاڵی عیراق و رێبوار تەها پاریزگاری کەرکوک لە بەغداد کۆبوونەتەوە و لەسەر داوای پارێزگاری کەرکوك، بڕیاردرا لە وەرزی دروێنەی ئەمساڵدا گەنمی سەرجەم جوتیارانی کەرکوك بەتایبەت کورد و تورکمان لە سایلۆکاندا و بەنرخی حکومەت وەربگیرێت.
