وەزارەتی دارایی هەرێمی کوردستان وەڵامی وەزیری دارایی عیراقی دایەوە و رایگەیاند، دیاریکردنی پشکی هەرێمی کوردستان بە گوێرەی خەرجیی راستەقینە پێچەوانەی دەستوورە.
لە راگەیەندراوێکدا وەزارەتی دارایی هەرێمی کوردستان هاتووە، بەغدا بۆ ئەمساڵ تەنیا چوار تریلیۆن دیناری ناردووە و پێویستە نۆ تریلیۆن دیناری دیکە بنێرێت.
وەزارەتی دارایی هەرێم ئاماژەی بەوەشکردووە، داهاتی هەرێمی کوردستان لە نووسراوەکە یەکلایەنانە خەمڵێنراوە و داهاتی نەوتی لە نووسراوەکەدا بەبێ هەژمارکردنی تێچووی دەرهێنان، گواستنەوە و بەکارهێنانی بۆ ناوخۆ هەژمارکراوە.
وەزارەتی دارایی هەرێمی کوردستان جەختیکردووتەوە، بەگوێرەی دەستوور و بڕیاری دادگای فیدراڵی دەبێت وەزارەتی دارایی عیراق بەردەوام بێت لە ناردنی مووچە.
