پەروین بوڵدان، کاندیدی پارتی دەم دەبێتە جێگری سەرۆكی پەرلەمانی توركیا و بەو بۆنەیەشەوە قوباد تاڵەبانی پەیامێكی پیرۆزبایی ئاڕاستە دەكات کە ئەمە دەقەکەیەتی:
بەڕێز خاتوو پەروین بوڵدان، جێگری سەرۆكی پەرلەمانی توركیا
بەبۆنەی دەستنیشانكردنتان بە جێگری سەرۆكی پەرلەمانی توركیا پیرۆزباییتان لێ دەكەم.
بەگرنگیەوە دەڕوانینە هەوڵەكانتان وەك كەسایەتییەكی تێكۆشەری سیاسی و پەرلەمانی كە بەردەوام هەوڵی باشتر چەسپاندنی بنەماكانی دیموكراسی و برایەتی و پێكەوەژیان و رەخساندنی ئاشتی و دادپەروەری دەدەن.
هیوای سەركەوتنتان بۆ دەخوازم و دڵنیام لەم ئەركە نوێیەدا رۆڵی گرنگتر دەبینن لە سەرخستنی پرۆسەی ئاشتی و دابینكردنی مافەكانی گەلی كورد لە توركیا.
قوباد تاڵەبانی
جێگری سەرۆكی ئەنجومەنی وەزیرانی هەرێمی كوردستان
