لێپرسراوی پەیوەندییەكانی دەرەوەی ئیدارەی خۆبەڕێوەبەری لە باكوور و رۆژهەڵاتی سوریا، نیگەرانی خۆی لە قوڵبوونەوەی لێدوانی توند و تۆمەتباركردن لەلایەن بەرپرسانی حكومەتی سوریاوە دەردەبڕێت.
ئیلهام ئەحمەد لە تۆڕی ئێکس رایگەیاند، رۆڵی ئەمریكا و فەرەنسا بۆ چارەسەری سیاسی بەرزدەنرخێنن و پشتیوانی رۆڵێكی بنیادنەرن كە گفتوگۆكان بەهێزبكات.
ئەمە لەكاتێكدایە كە بە نێوەندگیری واشنتۆن و پاریس، حكومەتی سوریا و هێزەكانی سوریای دیموكرات (هەسەدە) لە گفتوگۆدان بۆ گەیشتن بە رێككەوتنێك لەسەر شێوازی حوكمڕانی لە داهاتووی ئەو وڵاتەدا.
