وەزارەتی پلاندانانی هەرێم رایگەیاند، خەرجكردنی شایستەی دارایی بژمێرەكان دەچێتە بواری جێبەجێكردنەوە دوای وەرگرتنی پارەكە لە حكومەتی ناوەندی عیراق.
بەگوێرەی راگەیەندراوێكی وەزارەتەكە، دوای حەوت مانگ هەوڵی بەردەوام، رێكارە كارگێڕی و داراییەكان تەواوكراون و لە چەند رۆژی داهاتوودا پارەكە دابەش دەكرێت. رونیشكراوەتەوە، هێشتا زیاتر لە 13 ملیار دیناری تر ماوە لە بەغداوە بنێردرێت و وەزارەت بەردەوام دەبێت لە هەوڵەكانی بۆ وەرگرتنی تەواوی شایستە داراییەكان.
