دوای دانانی خێمەی ناڕەزایی مامۆستایان و فەرمانبەرانی خوێندنی کوردی لە کەرکوک، هێزێکی ئەمنی چوونە شوێنەکە و بە هۆی نەبوونی مۆڵەتەوە خێمەکەیان لابرد.
مامۆستایان و فەرمانبەرانی ناڕازیی کەرکوک رایانگەیاند، هێزە ئەمنییەکە پێی راگەیاندوون فەرمانی دەستگیرکردنیان بۆ دەرچووە، بەڵام دووپاتیدەکەنەوە، کە بەردەوام دەبن لە ناڕەزایی دەربڕین و خێمە لابردن رایانگانرێت.
هێزە ئەمنییەکەی عیراق بە مامۆستایانی راگەیاندووە، هەرکات مۆڵەتیان هەبوو دەتوانن خێمە هەڵبدەن، بەڵام بەمجۆرەی ئێستا کە مۆڵەتیان نییە بوونەتە مەترسی و بێزارکردنی دانیشتووانی ئەو ناوچەیە.
ئەمڕۆ مەمۆستایانی خوێندنی کوردی لەشاری کەرکوک لە بەردەم نووسینگەی ئەنجومەنی نوێنەرانی عیراق لەو شارە، خێمەی ناڕەزایەتییان هەڵدا و مانگرتنیان راگەیاند.
