شاناز ئیبراهیم ئەحمەد خانمی یەکەمی عیراق لەگەڵ د.شێخ مورشید مەعشوق خەزنەوی، کەسایەتیی دیاری ئایینی و نیشتمانیی رۆژئاوا - سوریا، کۆبووەوە و باسیان لە گرنگیی یەکڕیزیی و کاری دەستەجەمعی کرد بۆ خزمەتی گەلەکەمان و زامنی دواڕۆژێکی دادپەروەرانە. لەدیدارەکەدا شێخ مورشید تێڕوانینەکانی خۆی خستەڕوو دەربارەی دۆخی سوریا، هەروەها باسیان لە پێویستیی پتەوکردنی پێکەوەژیانی ئاشتیانەی نێوان پێکهاتەکان کرد و خانمی یەکەمی عیراق پابەندبوونی خۆی بۆ شێخ مورشید دووپاتکردەوە کە دەنگی گەلەکەمان بەئاستەکانی ناوخۆیی و هەرێمایەتی و نێودەوڵەتی بگەیەنین.
