دانوستان و گفتوگۆ

دانوستان شێوەی بەشداری و رۆڵ و پۆستەكانی لایەنەكانە، جا لایەن هەیە شەریكی سەرەكییە و لە پۆستەكانیش دەبێت هاوسەنگی هەبێت، لایەنیش هەیە وەك بەشدار مامەڵەی لەگەڵ دەكرێت 

دانوستان، هەوڵێكە لە نێوان لایەنەكان بۆ رێككەوتن لەسەر چەند مەبەست و خاڵی ناکۆک. گفتوگۆش لایەنی پراكتیكی بەڕێوەچوونی دانوستانە، لەنێوان نوێنەرانی لایەنەكاندا. تێیدا روانگە و بۆچوون، داوا و مەرجەكانی لایەنەكان دەخرێتەڕوو.
هیچ لایەنێك ناتوانێت سوور بێت لەسەر هەموو خاڵەكانی خۆی و بیانسەپێنێت،  ئەگینا رێك كەوتن مەحاڵ دەبیت. سەرەتا رەنگە هەموو لایەك زیاترین مەرج و داوای بخاتەڕوو، بۆ گەیشتن بە بەشێكی، كە لانیكەمی داوا و مەرجەكانی دەبێت. 
هەموو لایەكیش لەوەدا هێڵی سووری هەیە كە ئامادە نییە دەستی لێهەڵبگرێت. كەواتە دانوستان كۆمەڵێك سازشە بۆ گەیشتن بە رێككەوتن. تا گقتووگۆكانیش درێژخایەن، نا دروست و نا بابەتی بن، ئەو دانوستاندنە كەمتر ئەنجامی دەبێت. 
ئەو لایەنەی دەچێتە دانوستاندنەوە، پێویستە لە مەركەزی هێزەوە بڕوات، نوێنەرەكانی زۆر شارەزا و بە ئەزموون و خاوەن دەسەڵات  وبڕیار بن، ئامانج و دەرەنجامەكانیشیان لا روون و دیاری بێت، تا بتوانن لە گفتووگۆكان سەركەوتوو بن.
دانوستان هەیە دەكرێت بۆ رێگرتن لە دروستبوونی جەنگ، یان بە ئامانجی وەستانی جەنگ. هەیە لەنێوان دەوڵەتان دەكرێت بۆ رێككەوتن و هاوكاریی لە بواری سیاسی، ئابووری، زانستی، یان تەندروستی و هونەری. 
لە نێوان لایەنە تایبەت و كۆمپانیاكانیشدا، دەبێت لەوەدا روانگە و بەرژەوەندیی هەموو لایەك لەبەرچاو بگیرێت.
لە دامەزراندنی حكومەتیشدا بە هەمان شێوە، ناشێت لایەك هەوڵ بدات هەموو مەرجەكانی بسەپێنێت و سوور بێت لەسەری و ئامادەی دەستهەڵگرتن نەبێت لە هەندێكی، هەموو لایەك بەرنامەی خۆی هەیە، دەبێت هەر لایەش سنوورێكی بۆ جووڵان لەو چوارچێوەیدا و ئامادەیی بۆ دەستهەڵگرتن لە هەندێك خاڵ كە بنەڕەتی نین، دەبێت لەوەدا زۆرترین خاڵ لە بەرچاو بگیرێت كە خزمەت بە جەماوەر دەكات، داكۆكی لەوانە ئەو لایەنە و پێگەی بەهێزتر دەكات لەناو خەڵك و پشتگیرییان رادەكێشێت، پێچەوانەكەشی هەر راستە. 
خاڵی دووەمی دانوستان شێوەی بەشداری و رۆڵ و پۆستەكانی لایەنەكانە، جا لایەن هەیە شەریكی سەرەكییە و لە پۆستەكانیش دەبێت هاوسەنگی هەبێت، لایەنیش هەیە وەك بەشدار مامەڵەی لەگەڵ دەكرێت و مەبەستەكان بەوپێیە گفتوگۆیان لەسەر دەكرێت. 
لە گفتووگۆكاندا دەبێت حساب بۆ ئەوانە بكرێت، لەوەدا زۆر گرنگ نییە كێ كورسی پەرلەمانی زیاتر یان كەمترە؟ بەو هۆیەی ئەوان لایەنی سەرەكین و بێ لایەكیان حكومەت دانامەزرێت، هەرچەند ئەو لایەنەی براوەی یەكەمی هەڵبژاردن بێت، ئەو دانوستان و گفتوگۆ دەبات بەڕێوە و لایەنی سەرەكی دەبێت، بەڵام دەبێت هەم لە بەرنامە و هەم لە پۆستەكان ئامادەیی هەبێت بۆ هاتنەپێشەوە و قبوڵكردنی داوا و بەرنامەی لایەنی تر، بەشێوەیەك بتوانرێت لە یەكگەیشتن دروست ببێت. ئێستا لە هەرێم چەند مەبەستی سەرەكی هەن كە گرنگن بۆ خەڵك.
مافی هاووڵاتییانی كورد لە ناوچە حیناكۆكەكان مسۆگەر بكرێت، بازاڕ رێكبخرێت لە رووی كوالیتی و نرخ. سامانی گشتی بە هەدەر نەڕوات و رێ لە تاڵانكردن و دەستبەسەرداگرتنی زەوی و موڵكی حكومیش بگیرێت. 
هێزی پێشمەرگە و ئاسایش، بە دروستی یەكبخرێت. یاسا سەروەر بێت. لەگەڵ چەندین خاڵی بنەڕەتی تر. تا لایەك لە سەر ئەوانە