لەپارێزگای دیوانیە هێرش کراوەتە سەر نوسینگەی حزبوڵای عیراقی و داوای لێکۆڵینەوە دەکەن.
لە راگەیاندراوێکدا حزبوڵای عیراقی بڵاویکردووەتەوە، شەوی رابردوو لە پارێزگای دیوانیە لەلایەن هێزێکی نەناسراوەوە هێرش كراوەتە سەر نوسینگەكەیان بەڵام هیچ ئاماژەیەكی بۆ زیانەكانی ئەو هێرشە نەكردووە و هێرشەكەشی بە كارێكی تیرۆریستی و هەوڵێك بۆ تێكدانی سەقامگیری و ئاسایشی پارێزگاكە ناوبردووە.
حزبوڵای عیراقی سەرباری ئیدانەكردنی ئەو هێرشە ، داواشی كردوە دەزگا ئەمنییەكان لێكۆڵینەوەكانیان دەستپێبكەن بۆ ئاشكراكردنی ئەو لایەنەی لە پشت هێرشەكەوە دەوەستێت تا بدرێتە دادگا .
