حەنان شاكر
دەم بهاترین سامانە و تایبەتی ژی ئەم بەحسا قوناغا سنێلەییێ بكەین. ژبەركو قوناغا ئاڤاكرنا بنیاتێ پاشەرۆژا تاكە كەسی و ھشیارییا سنێلەیی ل سەر گرنگیا دەمی راوەستیایە و سنلێەیێن ھشیار، زێدەتر دەمی بۆ خوە پەیدا دكەن و خواندنێ دكەنە بنەمایێ ڤێ ئاڤاكرنێ و نە بتنێ خواندنا پەرتووكێن قوتابخانێ، بەلكو ھەر پەرتووكەكا بیت و ئەڤە ژی بۆ وان دبیتە ھاریكاری كو فشارا دەروونی ل سەر وان یا كێم بیت، ئەو فشارێن ژ ئەنجامێ كەلەكەبوونا كێشەیێن رۆژانە دكەڤنە بەرسینگا وی و دەم بۆ وی باشترین كلیلا گەشەپێدانا شیانێن وییە. ئەو سنێلەییێن دەمێ خوە بۆ چالاكیێن رۆژانە و ب مفا تەرخان دكەن و شارەزاییێ دبوارەكیدا لدەف خوە زێدە دكەن، وان زێدەتر باوەری بخوە ھەیە و دێ كەساتییا وان ژی یا بهێزتر بیت و دێ باشتر شێن خوە دگەل پاشەرۆژێ و كێشەییان ژی گونجینن.
ئەگەر دەمی دگەل ئەڤرویا تەكنەلوجیایێ و ئەنترنێتێ ژی بەراورد بكەین، ئایا سنێلە دەمێ خوە چاوان دەرباز دكەت، ددەمەكیدا ئەنترنێت چەندین دەرگەھان ل بەر دھێلتە ڤەكری و ئەو ب ئازادانە گەریانێ دناڤدا دكەت، دێ بینی هندەكان دەمێ خوە بۆ مژوولاھییان و تشتێن بێ رامان و یێن بتنێ دەمی ژ وی دبەن یێ تەرخانكری و هندەكێن دی شییایینە مفای ژ ھەر چركەكا دەمێ خوە ببینین، بۆ خوە ئاڤاكرنێ و شیایینە خوە د بوارەكیدا ببینن، چ ئەو بوارە ئەدەبی بیت یان ھونەی بیت یان وەرزشی بت و ئەڤ كەسێن ژڤی جوری ژی دگەل مەزنبوونا خوە دێ كەسێ سەركەفتی بن و دێ مفای گەھیینە خوە ژی و كومەلگەھی و ئەگەر سنێلەیی بڤێت ژڤی جورە كەسان بیت، ئەوێن ئایندێ وان گەش، دڤێت سنورەكێ بۆ خوە و دەمێ خوە دانن و بزانن دێ چاوان شێن خوە ئاڤا كەن و ژبیرنەكەین ژی دڤێت سازیێن تایبەت ب رەوشەنبیریێ و ئاڤاكرنا سنێلان مە ھەبن و خولێن رەوشەنبیری و یێن وەرزشی بەردەوام بهێنە ڤەكرنێ ژبۆ شیاندانێن وان دھەمی بوارەكیدا.
