بەپێی راپۆرتی ساڵانەی رێکخراوی رۆژنامەنووسانی بێسنوور، ساڵی رابردوو 2024 هێرش و پەلامار بۆ سەر رۆژنامەنووسان لەناو خاکی ئەڵمانیادا بەراورد بە ساڵی پیشووتر زیاتربووە.
راپۆرتەکە دەڵێت: پار 89 جار لەکاتی رووماڵی چالاکییە جەماوەرییەکان و خۆپیشاندانەکاندا ئازاری جەستەیی بەر رۆژنامەنووسان کەوتووە و نیوەی ئەو حاڵەتانەش لە بەرلینی پایتەختدا روویانداوە.
رێکخراوەکە هەروەها دەڵێت: لەگەڵ بوونی ئەو دەیان حاڵەتەشدا، ئەڵمانیا لە پێشەنگی ئەو وڵاتانەدایە کە مافی رۆژنامەنووسان تیایاندا پارێزراوە.
