سەرۆک بافڵ لە سلێمانی سەردانی هەڤاڵی تێکۆشەر، حاکم قادر حەمەجانی کرد

بافڵ جەلال تاڵەبانی، سەرۆکی یەکێتیی نیشتمانیی کوردستان لە سلێمانی سەردانی هەڤاڵی تێکۆشەر حاکم قادر حەمەجانی کرد.

لە سەردانەکەدا سەرۆک بافڵ رۆڵی هەڤاڵ حاکم قادر حەمەجانی لە بزووتنەوەی رزگاریخوازی گەلی کورد و شۆڕشی نوێ بەرزنرخاند کە وەک یەکێک لە تێکۆشەرەکان بەشێکە لە مێژووی زێڕینی یەکێتی و وتی هەمیشە بە شانازییەوە لە پێگە و رۆڵی هەموو سەرکردە و هەڤاڵە دێرینەکانمان دەڕوانین و ئێمەش لەسەر سیاسەت و بەرنامەی سەرۆک مام جەلال درێژە بە خەبات و خزمەتکردنی خەڵکەکەمان دەدەین.

لە سەردانەکەدا سەرۆک بافڵ جەختی لە بەردەوامی هەنگاوەکانی رێکخستنەوە و نوێبوونەوەی ئۆرگانەکانی یەکێتی کردەوە و رایگەیاند، خەباتی ئەمڕۆمان دەگوجێنین لەگەڵ قۆناغی نوێی سیاسی و سەردەمەکەدا.