كۆلێژی پەروەردەی شارەزوور فێستیڤاڵی شیعر رێكدەخات

بەشی زمانی كوردی لە كۆلێژی پەروەردەی شارەزوور فێستیڤاڵێكی شیعری بۆ چەند شاعیرێك رێكدەخات. 
لەوبارەیەوە ئارام عومەر رێكخەری فێستیڤاڵەكە بە دوالاپەڕەی وت: فێستیڤاڵێكی شیعری سازدەکەین بۆ ژمارەیەك لە شاعیران و بـــە شێوەی كێبڕكێ، هەڵسەنگاندنیش بۆ دەقەكان كراوە و دەقی پێنج شاعیر هەڵبژێردراون و بەشداری فێستیڤاڵەكەیان پێدەكرێت. 
وتیشی: فێستیڤاڵەكە سەعات 10:30ی بەیانی ئەمڕۆ چوارشەممە 30/4/2025 لە هۆڵی شێركۆ بێكەس لە كۆلێژی پەروەردەی شارەزوور بەڕێوەدەچێت. 
 محەمەد عەبدولڕەحمان – شارەزوور