دوای چوار ساڵ لە داخران، یاریگایەك دەكرێتەوە

‎ ناحیەی گەرمك لە قەزای پێنجوێن، یەك یاریگای تێدایە، بەهۆی تێكچوونی یاریگاكەوە، ماوەی چوار ساڵە ئەو یاریگایە فەرامۆشکراوەو یاری تێدا نەكراوە.
‎سەروەر شێخ عەبدوڵڵا، سەرۆكی شارەوانی گەرمك، لە لێدوانێكیدا بۆ كوردستانی نوێ وتی: یاریگا تاقانەكەی ناحییەی گەرمك ماوەی چوار ساڵە یاری تێدا نەكراوە، گەنجانی ناحیەكە بۆ یارییكردن دەچوونە ناوچەكانی دیكە، بۆیە وەك شارەوانی گەرمك یاریگاكەمان نۆژەنكردەوە و ئێستا خراوەتە خزمەتی وەرزشكاران.
وتیشی: وەك شارەوانی گەرمك هەموو هەوڵێك دەدەین بۆ خزمەتكردنی گەنجان و وەرزشکاران و خوێندكارانی سنورەكە، بۆ ئەوەی كەشێكی وەرزشیی بۆ وەرزشكاران و وەرزش دۆستانی ناحییەی گەرمك بێتە ئاراوە.
‎محەمەد تۆفیق نەورۆڵی