لەگەڵ دەستپێکی بەڕێکەوتنی حاجیان بۆ عەرەبستانی سعودیە و بەڕێخستنی تیمە جیاوازەکان، بەمەبەستی بەجێگەیاندنی فەریزەی حەج، لەلایەن فەرمانگە پەیوەندیدارەکانەوە ئامادەکاریی تەواوکراوە.
بەو ئامانجە و لەپێناوی پێدانی زانیاری تەندروستی و کارگێڕیی پێیان، سیمینارێک بۆ حاجیانی دەڤەری راپەڕین سازکرا، تێیدا رێنمایی پێویست لەلایەن تیمەکانی نوسینگەی حەج و عەمرەی راپەڕین و بەڕێوەبەرایەتی تەندروستی راپەڕین بۆ ئەو هاوڵاتیانەی کە لە سنووری ئیدارەی سەربەخۆی راپەڕین پێشکەشکران کەناویان بۆ بەجێگەیاندنی فەریزەی حەج دەرچووە و لە نزیکترین ماوەدا گەشتی ماڵی خوا دەکەن.
