سەرۆک وەزیرانی عیراق رێنمایی دا بە پێکهێنانی لیژنەیەکی باڵا بۆ تاوتوێکردن و بڕیاردان لەسەر دوو رەشنووسی حکومەتی فیدراڵ و هەرێمی کوردستان تایبەت بە گواستنەوەی داهات و مووچە.
بەپێی راگەیەندراوێکی رەسمیی نووسینگەکەی، محەمەد شیاع سودانی لیژنەکەی راسپاردووە کە لەگەڵ لایەنە پەیوەندیدارەکان کۆببنەوە و راسپاردەکانیان بە زووترین کات پێشکەش بکەن.
ئەم هەنگاوەش وەک پابەندبوونێکە بە جێبەجێکردنی یاسای بودجە و بڕیارەکانی دادگای فیدراڵی سەبارەت بە کێشە داراییەکانی نێوان هەردوولا.
