بەڕێوەبەری نەخۆشخانەی ئازادیی فێركاریی كەركوك، لە لێدوانێكیدا بۆ كوردستانی نوێ، باس لەوە دەكات كە ٪85ی كارەكانی نۆژەنكردنەوەی بەشەكانی نەخۆشخانەكە تەواوبووە.
دكتۆر بەڵێن عومەر بەڕێوەبەری نەخۆشخانەی ئازادیی فێركاریی كەركوك، پێیڕاگەیاندین: نەخۆشخانەكە لە شەش نهۆم پێكهاتووە و 450 قەرەوێڵەییە، تەواوی نهۆم و بەشەكانی بەهۆی كۆنییەوە، پێویستی بە نۆژەنكردنەوە بوو، وتیشی: بڕیاردرا لە سەرەتای ئەمساڵەوە نۆژەنكردنەوەی بەشەكانی نەخۆشخانەكە دەستپێبكرێت، سەرەتا نهۆمەكانی شەش و پێنج بڕیاریان لەسەر درا و كارەكانیان تەواوبووە، دواتریش هەنگاو بە هەنگاو بەشەكانی دیكە تەواودەكەین.
ئەوەشی خستەڕوو كە ئێستا سەرقاڵی نۆژەنكردنەوەی بەشەكانی فریاكەوتن و تیشك و تاقیگەن و بڕیارە پێش كۆتایی مانگی 11ی ئەمساڵ كارەكانیان تەواو بكرێت.
كەركوك، هێمن ئەحمەد
