بەڕێوەبەری گشتیی بەنداوەکانی هەرێمی کوردستان رایدەگەیەنێت، ئاستی ئاوی بەنداوەکان نزمە و بەنداوی دوکان 40٪ ئاوی تیاداماوە و بەنداوی دەربەندیخان 60٪ی ئاو تێدایە.
رەحمان خانی ئاماژەی بەوەشکرد، بۆ دروستکردنی چوار بەنداوی نوێ لەگەڵ بەغدا لە گفتوگۆدان و کارکردنیش لە چەند بەنداوێکی تر دەستیپێکردووەتەوە.
هۆشداریشی دا کە پابەندنەبوونی تورکیا بە رێککەوتنی ئاو، فشارێکی زۆر لەسەر عیراق دروست دەکات.
