کەشناسیی هەرێم هۆشدارییەکی بەپەلەی راگەیاند

کەشناسیی هەرێم هۆشداری دەداتە هاووڵاتیان و دەڵێت، کەشی هەرێم و عیراق ناسەقامگیر دەبێت و رەشەبا و هەورەتریشقە و تاوەباران و خۆڵ دەبارێت.

کەشناسی هەرێم ئەوەشی راگەیاندووە، سبەی هەینی، بەگشتی لە نەوچەکە و لە عیراق و هەرێمی کوردستان بەتایبەتی، کەشوهەوا ناسەقامگیر دەبێت.

ئەوەشی خستووەتەڕوو، سبەی خێرایی با زیاد دەکات لەدوای نیوەڕۆوە، هەندێک کات دەگاتە سەروو 50 کیلۆمەتر لە سەعاتێکدا، هەروەها لە ناوچەکانی باشووری هەرێم رێژەی تۆز و خۆڵ زیاتر دەبێت، بۆکاتەکانی ئێوارەش ئاسایی دەبێتەوە.

کەشناسی پێشبینییەکانی ئەمڕۆی کەشوهەوای راگەیاندووە، کە ئاسمان ساماڵ و پەڵەهەور دەبێت، لەگەڵ بوونی کەمێک تۆزو خۆڵ.
دەشڵێت، سبەی هەینی پلەکانی گەرما 3 بۆ 5 پلەی سیلیزی نزم دەبنەوە.

بەرزترین پلەکانی گەرمای پێشبینیکراو بە پلەی سیلیزی:

هەولێر: 34  پلەی سیلیزی

سلێمانی: 29 پلەی سیلیزی

دهۆک : 29  پلەی سیلیزی

کەرکوک : 36 پلەی سیلیزی 

زاخۆ  : 28 پلەی سیلیزی

هەڵەبجە : 30 پلەی سیلیزی

سۆران : 24 پلەی سیلیزی

حاجی ئۆمەران : 19 پلەی سیلیزی

گەرمیان :36 پلەی سیلیزی