چاوەڕوان دەکرێت دادگای باڵای فیدراڵی عیراق، ناوەڕاستی هەفتەی داهاتوو بڕیاری کۆتایی لەسەر سکاڵای ژمارەیەک فەرمانبەری هەرێم بدات سەبارەت بە راگرتنی مووچەکانیان.
کاروان یاروەیس، ئەندامی ئەنجومەنی نوێنەران رایگەیاند، بەهۆی گەڕانەوەی دادوەرەکان لە حەج، دانیشتنەکە دەکەوێتە رۆژی دووشەممە یان سێشەممە. وتیشی، "پێدەچێت بڕیارەکە هەردوو حکومەت ناچاری گفتوگۆ بکات، چونکە دادگا لە ساڵی 2023 بڕیارێکی لە بەرژەوەندی چارەسەرکردنی کێشەکە دەرکردووە و قورسە پێچەوانەی بڕیاری خۆی کاربکات".
