باڵیۆزانی یەکێتیی ئەوروپا و وڵاتانی ئەندامی هەمیشەیی ئەنجومەنی ئاسایش، لە کۆبوونەوەیان لەگەڵ محەمەد شیاع سودانی، پشتیوانیی خۆیان بۆ چارەسەرکردنی کێشە ئیدارییەکانی نێوان حکومەتی فیدراڵ و هەرێمی کوردستان راگەیاند.
بەگوێرەی نووسینگەی سەرۆک وەزیران، سودانی جەختیکردەوە کە حکومەتەکەی بەپێی دەستوور کار بۆ چارەسەری کێشەکان دەکات. باڵیۆزەکانیش پاڵپشتیی خۆیان بۆ سیاسەتەکانی حکومەتی عیراق و هەوڵەکانی بۆ پاراستنی مافی کەمەنەتەوەییەکان و ئاشتیی کۆمەڵایەتی دووپاتکردەوە.
