لەمڕۆوە حاجیانی هەرێمی کوردستان دەست بەگەڕانەوە دەکەن لەرێگەی وشکانی و رۆژی 14ی حوزەیرانیش یەکەم کاروان بەڕێگەی ئاسمانیی دەگەڕێنەوە.
کاروان ستوونی، وتەبێژی بەڕێوەبەرایەتیی حەج و عومرەی هەرێمی کوردستان رایگەیاندووە، لەمڕۆوە هەزار و 646 حاجی بەرێگەی وشکانی دەگەڕێنەوە و رۆژی 14ی مانگ دەگەنەوە هەرێمی کوردستان.
وتەبێژی بەڕێوەبەرایەتیی حەج و عومرە دەڵێت، رۆژی 14 حوزەیرانیش سێ هەزار و 490 حاجی لە رێگەی ئاسمانییەوە دەگەڕێنەوە هەرێمی کوردستان و پرۆسەکەش تاوەکو 20ی ئەم مانگە بەردەوام دەبێت.
