11 پرۆژه‌ی ستراتیژیی له‌ خانه‌قین جێبه‌جێ ده‌كرێن

قایمقامییه‌تی خانه‌قین داواكاریی بۆ ره‌زامه‌ندیی ده‌ربڕین له‌باره‌ی جێبه‌جێكردنی 11 پرۆژه‌ی ستراتیژیی، ئاڕاسته‌ی دیوانی پارێزگای دیاله‌ كردووه‌.
ئه‌ندازیار جواد فه‌یزوڵڵا قائیمقامی خانه‌قین به‌ كوردستانی نوێ-ی راگه‌یاند: له‌گه‌ڵ لایه‌نه‌ به‌رپرسیار و فه‌رمانگه‌كانی خانه‌قیندا، دوای گفتوگۆی ورد له‌سه‌ر پێویستییه‌كانی شاره‌كه‌، 11 پرۆژه‌ی ستراتیژیمان به‌ته‌واوی ورده‌كارییه‌كانییه‌وه‌ ئاماده‌كردووه‌، وتیشی: به‌ ئاگاداریی ئه‌ندامانی سنووره‌كه‌ له‌ ئه‌نجومه‌نی نوێنه‌رانی عیراق و ئه‌نجومه‌نی پارێزگای دیاله‌، ئه‌و پرۆژانه‌مان وه‌ك داواكارییه‌ك ئاڕاسته‌ی دیوانی پارێزگای دیاله‌ كردووه‌ و له‌گه‌ڵ پارێزگار به‌وردیی باسمان كردووه‌، چونكه‌ ئه‌و پرۆژانه‌ ستراتیژین و بۆ خانه‌قین زۆر پێویستن به‌تایبه‌ت پرۆژه‌كانی رێگه‌وبان و ئاوی خواردنه‌وه‌ و كاره‌با.
خانه‌قین، ئارۆ سامان