وەزارەتی تەندروستیی عیراق رایگەیاند، لە چەند رۆژی رابردوودا 16 كەسی دیكە تووشی تای خوێنبەربوون بوون و دوو تووشبووش گیانیان لەدەستداوە، بەوەش كۆی گشتیی تووشبوان بۆ 231 و گیانلەدەستدانیش بۆ 30 كەس بەرزبووەوە.
سەیف بەدر، وتەبێژی وەزارەتی تەندروستیی عیراق، رایگەیاند، دوو حاڵەتەكەی گیانلەدەستدان لە پارێزگاكانی زیقار و واست بوون.
ئاماژەی بەوەش كرد كە ژمارەی تووشبوون و گیانلەدەستدان بە تای خوێنبەربوون لە بەرزبوونەوەدایە و رێكاری پێویست گیراوەتەبەر بۆ رێگری لە بڵاوبوونەوەی زیاتری پەتاكە.
