ئا: بادینان
گۆڤارا پێنگاڤ ب شێوەیەكێ ئونلاین ل وەلاتێ كەنەدا دەردكەڤیت و چەندین نڤیسەر ژ ناڤخوییا كوردستانێ ژی، بەشداریێ تێدا دكەن. ئێك ژ ئەندامێن دەستەیا نڤیسەران ل گوڤارێ كو ل دھوكێ دژیت، سەبارەت ئایا مەبەست ژ دەرێخستنا گۆڤارا پێنگاڤ ل وەلاتێ كەنەدا چییە، گوت: : «گۆڤارا پێنگاڤ ژلایێ كۆمه‌كا رۆژنامه‌ڤانێن كورد ده‌ردكه‌ڤیت، پتریا وان ل ده‌رڤه‌ی وه‌لاتی كارێ خۆ ب شێوه‌كێ سه‌ربخۆ دكهن، هه‌رچه‌نده ژ مێژە وه‌كو ئێكه‌مین وه‌شان ژ جۆرێ خۆ ل ده‌رڤه‌ی وه‌لاتی ده‌ركه‌فتی، لێ (پێنگاڤێ) پێنگاڤێن خۆ ل ڤێ داویێ مه‌زنتر كرینه«. شێرزاد نایف زێدەتر گوت: « گه‌له‌ك نڤیسه‌ران ل كوردستانێ ملێ خۆ دایه‌به‌ر، ژ بلی هندێ ژی چونكو گۆڤار ب زمانێ كوردی ب هه‌می ده‌ڤۆكێن خۆڤه‌یه و ب زمانێ ئنگلیزی ژی، كو هنده‌ك ژ ده‌سته‌كا نڤیسه‌ران ژی ئه‌مریكی د ناڤدانه.. سپۆنسه‌ر و سه‌رنڤیسه‌ر ده‌سته‌كا نڤیسه‌ران پترییا وان ل كه‌نه‌دا دژین و هنده‌ك ل ئه‌وروپا، ب شێوه‌كێ ئۆنلاین كار و جڤینان دكن و سه‌رنڤیسه‌ر و دانه‌رێ وێ رۆژنامه‌ڤان (ئارام دهۆكی) یه و ئەو ل كه‌لگاری دژیت». لدوور پرسیارەكێ ئایا گۆڤارا پێنگڤا دشێت چ بۆ رەڤەندا كوردی بكەت؟ شێرزاد گوت: «بزاڤێن باش بۆ په‌یداكرنا لۆبیه‌كێ كوردی یێ ب هێز و ب هزر دكهن بۆ پێشڤه‌برنا دۆزا كوردی، چونكو په‌یوه‌ندیێن خۆرت ژی ل گه‌ل ده‌سهه‌لات و حزبێن كه‌نه‌دی هه‌نه، پلانێن مفابه‌خش بۆ پاشه‌رۆژێ هه‌نه، گه‌ر پشته‌ڤانی ژ ناڤخۆیا كوردستانێ ژی هه‌بیت (ب جه‌ماوه‌ر و ده‌سهه‌لات، چاند)ڤه، دگه‌لدا دیاسپۆرا، مالێن كورد، رێكخراوێن په‌یوه‌ندیار، ل به‌ره ژی جڤاتا هه‌لبه‌ستڤانان ژی هه‌ڤبگرن بهێنه پشته‌ڤانیێ كو ببیته زمان حاله‌ك و لۆبیه‌كێ ب هێز».
