تابلۆیێ ب ناڤێ (موسكۆ و ئامیر)، یێ ھونەرمەندێ رۆسی یێ هەڤچەرخ ب ناڤێ (كونستانتین سیلزنیف)ە. تابلۆ رەنگڤەدانا جیھانەكێ یە یا تژی ئامیرێن تەكنەلوجیایێ، ئەڤێن مە نزیكی ئێك دكەن و دهەمان دەمدا مە ژێك دویر دكەن. هەر وەكۆ د تابلویدا دیار، پاسەكا پرە ژ نەفەران و ھند ژێ د روونشتینە و ھندێن دی ژ پێرڤەنە. تابلۆ دو پەیامان دگەھینیت، ئێك، ژیانا باژێری یا ئالوز و پەیاما دویێ هەر ئێك ب تایبەتمەنیێن خوە ڤە مژویلە و هەر ئێكی ئامیرێ وی یێ موبایلێ یان كومبیوتەری د دەستاندایە و كەسێ بۆ ئەڤێ ل تەنشتا وی خەم نینە چ رەنگێن دلوڤانیێ و پیتەدانێ ب كەسێ ڤە دیار نینن، هەر ئێك یێ مژویلی خوە و ئامیرێ خوەیە و ئەو پێزانینێن دكەڤنە بەرچاڤێن وی یان ئەو كومێنتێن بۆ دھێنە نڤیسین یان ئەو دنڤیسیت. ئەڤ كارێ ھونەری، نە بتنێ دیمەنەكە و دتابلۆیەكیدا ھاتیە وێنەكرن، بەلكو راستییا چەرخێ مەیە و ئایا ئەم بەرەڤ تونێلەكا تاری ڤە دچین یان ژیان ھوسا ژمە دخوازیت؟ هەژییە بێین كو ھونەرمەند (كونستانتین سیلزنیف) ب شێوازێ خوە یێ كەتواری و ئاماژەیێن كومەلایەتی ھاتیە ناسكرن، ئەڤ تابلۆیە ژی رەنگە تێگەھێ مە بۆ هەبوونگەریێ بخوە بەرۆڤاژی دكەت.
ھونەر سالم
