وەزارەتى دارایى عیراق رەتیدەکاتەوە پارەى داندراوی هاووڵاتییان لە بانکەکانى رافیدەین و رەشیددا بەکارهێنرابێت.
وەزارەتەکە رایدەگەیەنێت کە پارە گواستراوەکە تایبەت بووە بە "هەژمارە سەروەرییەکان"ى وەزارەت و پێشتر لەو بانکانە هەڵگیراون وەک هەنگاوێکى کاتى، پاش کۆتاییهاتنی پێویستییەکان گەڕێندراوەتەوە بۆ بودجەى گشتى.
وەزارەتى دارایى دەڵێت، هەردوو بانک یەدەگى نەختینەیى زۆریان هەیە و ئەرکەکانیان وەک مووچە و پڕۆژەکان بە ئاسایى بەڕێوەدەبەن.
