هونەرمەندی شێوەكار لەیلان ئەحمەد عەبدولقادر لە كەركوك لەدایكبووە، دەرچووی پەیمانگەی هونەرە جوانەكانە و یەكێك بووە لە یەكەمەكانی پەیمانگە.
لەیلان ئەحمەد بە دوالاپەڕەی وت: حەوت ساڵە بە پاڵشتی و پشتگیری دایك و باوكم دەستم بە وێنەكێشان كردووە و زۆربەی تابلۆكانم گوزارشت لە تاكی كورد و مێژووی كورد دەكەن، هەروەها كۆڵنەدانی ژنان لە ژیانی رۆژانەیاندا بەرجەستە دەكەم.
سەبارەت بە بەشداریكردن لە پێشانگەكاندا وتی: بەشداری زۆرێك لە پێشانگەكانی ناوخۆی كەركوك و شارەكانی هەولێر و سلێمانیم كردووە و خاوەنی پێشانگەیەكی تایبەتیش بووم لە رانیە بە ناونیشانی (بەهاری رەنگ) كە لە 38 تابلۆی جۆراوجۆر پێكهاتبوون و سوودم لە كەرەستەی جیاواز وەرگرتبوو.
لەیلان ئەحمەد وتی: ئەوەی لە توانامدایە بۆ وێنەكێشان ئەوەیە رەنگدانەوەیەكی گەورەی هونەری بەدواوە بێت.
كەركوك، رزگار شوانی