دەزگای ئاسایشی نیشتمانیی عیراق، دەستگیرکردنی تاوانباری ئەنفال، عەجاج ئەحمەد حەردان، ناسراو بە "عەجاجی نوگرە سەلمان"ی راگەیاند و دەڵێت، "دانی بە تاوانەکانی دژ بە کورد ناوە".
ئەرشەد حاکم، وتەبێژی دەزگاکە لە راگەیەندراوێکی رەسمیدا وتی، دوای 6 مانگ بەدواداچوونی هەواڵگری، تۆمەتبارەکە لە پارێزگای موسەنا دەستگیرکرا.
راشیگەیاند، عەجاج لە زیندانی نوگرە سەلمان ئەفسەری ئاسایش بووە و لێکۆڵینەوەکان لەگەڵیدا لە قۆناغی کۆتاییدایە.
