راپۆرت: بادینان
د بەردەوامیا چالاكیێن خوەدا، ئەمین شێخكی بەرپرسێ بەشێ رۆناكبیریێ مەلبەندێ چارێ دھۆك گوت: «چالاكیێن بەشێ مە د جوراوجورن و ڤێ جارێ مە بیر ل وێ چەندێ كر، ئەم بابەتێ ھشیاربوون و خۆپاراستنا گەنجان ژ ماددێن ھۆشبەر ب ئازرینین و بۆ ڤێ چەندێ ژی مە دگەل یاساناسەكی ئاخفتییە، كو ڤێ بابەتێ ب شێوەیێ سمينار بۆ ئەندام و لایەنگرێن مە پێشكێش بكەت و ئەم دێ ل سەر ڤان جورە چالاكیان د بەردەوام بین، یێن ئەم دزانین بابەتێن رۆژەڤێ نە و دگرنگن». پارێزەر ژیان فەوزی سەبارەت ڤێ سمينارێ گوت: «بابەتێ ماددێن ھۆشبەر، ئەڤرۆ بوویە زەنگەكا مەترسیدار و دڤێت ئەم زێدەتر ل سەر راوەستین و بابەت ب گرنگیڤە بهێتە وەرگرتنێ، ژبەركو ئەڤ كەسێن تووش دبن، خەلكێ ڤی باژێری نە و خوە ئەگەر ئالودەبوویێ وێ ژ خێزانا مە و ژ دەوروبەرێن مە نەبیت ژی، سوبەھی كەس گرەنتیێ نادەت كەسەك ژ خێزانا مە ژی توش ببیتێ، ژبەركو ماددێن ھۆشبەر بازارەكە و ئەڤێن كرین و فرۆشتنێ پێدكەن ژبلی پارەی و قازانجی چ تشتەكێ دی ل بەر نینە، خوە ئەگەر ل سەر حسابا ژیانا كەسێن بێگونەھـ ژی بیت». سەبارەت ئەو بابەتێن دڤێ وۆرك شوپێدا دهێنە بەحسكرن دێ چ بن؟ ژیان فەوزی وەك راهێنەرا ڤێ سمینارێ گوت: «دێ هەولدەم برێكەكا نوی و زانستیانە بابەتێ خوە بگەھینمە بەشداربوویێن ڤێ روونشتنێ، ل سەر جورێن ڤی مادەەی و مەترسیا ئالودەبوونێ و گەفتێن وێ ل سەر خێزانێ و كومەلگەھی و خوە پاراستن ژ ب كارئینانا وێ و دێ چاوان مامەلە دگەل نەخۆشی هێتە كرنێ».
