بەرێوەبەری گشتیی بازرگانی لە وەزارەتی بازرگانی و پیشەسازیی هەرێم رایدەگەیەنێت، یەدەگی پێویستی خۆراک لە هەرێمی کوردستان هەیە و هیچ گرفتێک لەئارادا نییە.
نەوزاد شێخ کامیل رایگەیاند، جوڵەی بازرگانی لە دەروازە سنوورییەکان لەگەڵ ئێران بەردەوامە و هۆشداریش دەدات لە گرانکردنی نرخ.
ناوبراو جەختیکردەوە، دابەزینی بەهای دینار نابێتە بیانوو بۆ گرانکردنی کاڵاکان، چونکە ئەو خۆراکانەی لە کۆگاکاندا هەن، چەند مانگێک لەمەوبەر هاوردەکراون.
